العيد في عيونهم

إزاي نفرح

أحمد محمد مصطفي (13 سنة) - مصر


يوم العيد

يوم نفرح له

لأنه جديد

آخر مرة أنا ما فرحتش

صاحبي سألني

إنت حزين

والكل سعيد

قلتلو حاسب

هي الفرحة

بلبس جديد

جوه بيوتنا أحزان ياما

أب بعيد

ابن شريد

أم تنام على خدها دمعه

ولا فيه حد يبص لحد

إلا بحالة شك وكيد

وعشان خاطري

قول لى يا صاحبي

إزاي نفرح

مين العيد ...............

يا دي العذاب



عبد الله محمد مصطفى (10 سنوات) - مصر

الحيزبونة والحيزبون




ناحلين وبرنا

والهم طالنا

بيشحتونا من بيت أبونا

جاهل وناوي على دمارنا

غراب وغاوي ينشد غناوي

لما شجرنا صبح خراب

دخل وخلّى البيوت تراب

يضحك علينا

يخطف النور من عنينا

ينشر سراب

ويقول دا سيدنا

يادي العذاب

بعد الشباب

الظهر محني

وكلام هباب

صبحنا نشحن من الكلاب

إيه اللي باقي

هيوروثونا

ويخرجونا من التراب

يادي العذاب


طب احنا وبنقول عشنا الفرحة زمان أيام ماكنا مش حاسيين بحاجة أو أيام ماكانت الدنيا لسة مبقتش غابة ..
دول بقى ايه ذنبهم ؟ وامتى حنقول لهم كل عيد وانتوا سعداء ..كل عيد وانتوا فرحانين وبتلعبوا ؟

تسلم ايدك ....
بجد والله عندهم حق في كل كلمه

مرسي يا ميروووووووووو

شكرا يا ميرووو

موضوع تحفه

ميرسي ليكم .....
منورييين .....