شعر حسني مبارك .. اهداء الى شعب مصر"

شعرررررر جااااااااامد موووووووووت
بهدله والله ......

((من شعر أحمد فؤاد نجم ))

"شعر حسني مبارك .. اهداء الى شعب مصر"

ياشعبي حبيبي ياروحي يابيبي
ياحاطك في جيبي يابن الحلال


ياشعبي ياشاطر ياجابر خواطر
ياساكن مقابر وصابر وعال


ياواكل سمومك يابايع هدومك
ياحامل همومك وشايل جبال


ياشعبي اللي نايم وسارح وهايم
وفي الفقر عايم وحاله ده حال

احبك محشش مفرفش مطنش
ودايخ مدروخ واخر انسطال

احبك مكبر دماغك مخدر
ممشي امورك كده باتكال

واحب اللي ينصب واحب اللي يكدب
واحب اللي ينهب ويسرق تلال

واحب اللي شايف وعارف وخايف
وبالع لسانه وكاتم ماقال


واحب اللي قافل عيونه المغفل
واحب البهايم واحب البغال


واحب اللي راضي واحب اللي فاضي
واحب اللي عايز يربي العيال


واحب اللي يائس واحب اللي بائس
واحب اللي محبط وشايف محال


واحبك تسافر وتبعد تهاجر
وتبعت فلوسك دولار او ريال


واحبك تطبل تهلل تهبل
عشان مطش كوره وفيلم ومقال


واحبك تأيد تعضض تمجد
توافق تنافق وتلحس نعال


تحضر نشادر تجمع كوادر
تلمع تقمع تظبط مجال


لكن لو تفكر تخطط تقرر
تشغلي مخك وتفتح جدال


وتبدأ تشاكل وتعمل
مسائل وتسأل سؤال


وعايز تنور وعايز تطور
وتعمللي روحك مفرد رجال


ساعتها حجيبك لايمكن اسيبك
وراح تبقى عبره وتصبح مثال


حبهدل جنابك وأذل اللي جابك
وحيكون عذابك ده فوق الاحتمال


وامرمط سعادتك واهزأ سيادتك
واخلي كرامتك في حالة هزال


وتلبس قضيه وتصبح رزيه
وباقي حياتك تعيش في انعزال


حتقبل ححبك حترفض حلبك
حتطلع حتنزل حجيبلك جمااااال

شايفين هو ده الشعر ولا بلاش
هههههههههههههههههههههههههه

تسلم ايدك ياجميل والله كل كلمه هنا صح جداااا
وبجد الشعر جااااااامد مووووووووت
واه فكريني ابقى اجبلك عيش وحلاوة في السجن ان شاء الله هتودينا في ستين داهيه ههههههههه ياارب واخلص منك

هههههههههههه
يا ستي .... ادينا نغير جوووو هناك ...
بس متنسيش الفول والطعميه ...